ទីបំផុតកូនភ្លោះរបស់ Chompoo Araya បានប្រសូតដោយសុវត្ថិភាពហើយ នៅថ្ងៃទី ០៦ ខែកញ្ញានេះ។
រង់ចាំអស់រយៈជាយូរ ពេលនេះកូនរបស់តារាសម្ដែង Chompoo និងស្វាមី Nott Witsarut បានកើតហើយ ប្រកបដោយសុវត្ថិភាពទាំងម្ដាយ និងទារកទាំង២។ កើតមកភ្លាម កូនភ្លោះទាំង២មានទម្ងន់ខុសគ្នាបន្តិចដោយ Thunder មានទម្ងន់ ២,៦៦គីឡូក្រាម រីឯ Storm មានទម្ងន់ ២,៥៦គីឡូក្រាម។ ចំណែកប្រវែងរបស់ពួកគេ គឺ ៤៧,៥សង់ទីម៉ែត្រ។
ងាកទៅមើលលោកប៉ារបស់កូនតូចទាំង ២វិញចេញពីបន្ទប់សម្រាលជាមួយអារម្មណ៍ដ៏រំភើប និងទឹកមុខរីករាយរកពាក្យអ្វីមកប្រៀបពុំបានឡើយ ខណៈអ្នកម្ដាយទាំងសងខាង ក៏សប្បាយមិនចាញ់កូនដែរ ព្រោះពេលនេះពួកគេមានសមាជិកគ្រួសារថ្មីដល់ទៅ ២នាក់ទៀតហើយ។
ចំណែកមិត្តភ័ក្ដិ និងអ្នកដែលមកសួរសុខទុក្ខដទៃទៀតដែលមានវត្តមាននៅក្នុងមន្ទីរពេទ្យក៏រីករាយសាទរគ្រប់ៗគ្នាដែរ។ យ៉ាងណាមិញ ចំពោះរូបរាងមុខមាត់កូនភ្លោះទាំង ២របស់ តារាស្រីរូបនេះនៅមិនទាន់បង្ហាញជាសាធារណៈនៅឡើយទេ។ ជាព័ត៌មានថ្មីមួយទៀត គ្រួសារ Chompoo នឹងរៀបចំសន្និសីទកាសែតមួយនៅថ្ងៃទី ០៩ ខែកញ្ញាខាងមុខនេះ៕
ប្រភព៖ Mthai | jaizaa ប្រែសម្រួល៖ យី សុធារីHi. I’m Designer of Blog Magic. I’m CEO/Founder of Thul Bunthai. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.
0 comments:
Post a Comment